冠军荣誉点少得VAR

沙迪奥文尼(Getty Images图片)

利物浦今季以压倒性姿态捧盃充满说服力,不过无可否认,一来要靠曼城表现跌Watt先至可以提前登基,其次今季引入嘅VAR的确为「红军」嘅冠军路上出咗唔少力。

利物浦上季出尽九牛二虎之力,38场英超只係输1场,获得97分都捧唔到盃实在唔抵,不过今季到曼城走样,佢哋防线长期存在伤兵问题,成绩急插水,目前踢31场联赛已失33球,比上季全季多失10球,而且已输8场,亦比上季多4场,反观利物浦Keep到强劲表现,首捧英超实至名归。

唔只曼城帮到手,球迷为利物浦改名做「liVARpool」亦反映视像系统确实係「红军好友」,以下几场例子,利迷梗係记得:

19年11月11日:3比1主胜曼城

阿历山大阿诺特禁区内明显手球但球证冇吹,利物浦即时反击仲入埋波,球证用VAR检视,以为入球作废兼倒输12码?VAR竟然裁定入球有效,利物浦一来一回赚晒。

19年11月23日:2比1客胜水晶宫

水晶宫中坚汤坚斯完半场前顶入先拔头筹,不过VAR检视后认为另一位水晶宫球员佐敦阿休推人在先,争议性判入球作废。

19年12月30日:1比0主胜狼队

沙迪奥文尼入波,球证吹罚助攻嘅拉尔拉拿手球在先,但VAR介入推翻球证决定。及后狼队新星柏度尼图入波,点知VAR指狼队入球过程有人越位。

20年2月16日:1比0客胜诺域治

沙迪奥文尼接应长传左脚抽入,但入波前明显推跌诺域治守将基斯杜夫森马文,佢赛后亦承认自己出手推人,不过VAR话佢冇犯规。

留言与评论(共有 0 条评论)
   
验证码: